Het jy al ooit gevoel dat jy nie God se genade verdien nie? Hoekom?

Het jy al ooit gevoel dat daar iets is wat jy moet doen om dit te verdien? Wat moes jy doen?

Jesus het groot skares mense gelok. In hierdie skares was daar altyd twee groepe teenwoordig: dié wat gedink het dat hulle so vêr van God af is dat Hy hulle nooit sal goedkeur nie, en 'n ander groep wat gedink het dat hulle so goed is dat God hulle reeds goedgekeur het. 

Kyk die volgende clip (click op die rooi):    

Die verlore seun

Lees saam Lukas 15:1-31 - "Die Verlore Seun"

Wat dink jy sou gebeur het as die verlore seun eerste sy ouer broer teëgekom het in plaas van sy pa?

Met watter karakter in die storie dink jy assosieer die mense in Jesus se gevolg, wat reken hulle is nie goed genoeg om God se goedkeuring weg te dra nie?

Wat dink jy het hulle ervaar toe hulle vers 21-24 hoor?

Met watter karakter in die storie dink jy assossieer die mense in Jesus se gevolg, wat reken hulle is reeds goedgekeur in God se boek?

Wat dink jy het hulle ervaar toe hulle vers 21-24 hoor?

Dink jy die pa se optrede was onregverdig? Hoekom/hoekom nie?

Die fout wat altwee die broers maak is dat hulle dink die partytjie gaan oor 'performance' - die jonger broer dink nie hy verdien om daar te wees nie, en die ouer broer dink ook dat die jonger broer nie die partytjie verdien nie. Net soos wat ons baie keer oor onsself dink of oor ander - dit gaan oor verdien. Die definisie van genade (wat die pa aan die jonger seun bewys) is dat dit nie verdien kan word nie.

Vir God gaan dit nie om 'performance' nie - jy kan nie jouself in God se goeie boekies in verdien nie, jy kan slegs sy genade aanvaar deur in Jesus te glo. Dit gaan vir God om 'proximity' - om naby Hom te wees (Gen 17:1).

Lees Johannes 13:34-35

Wat dink jy van die volgende stelling: Om soos Jesus lief te hê beteken dat sonde altyd ons hart sal breek, en bekering altyd ons hart sal roer?

Bid saam vir 'n hart soos Jesus s'n

In Genesis 3 lees ons die storie van die val van die mens... 

Sonde wat die breuk tussen ons en God veroorsaak.

Lees die volgende stuk teks - Genesis 3

Wat staan vir jou uit van hierdie vers?

Hoe sien jy God se belofte wat dui na Jesus wat die slang se kop vermorsel?

Ons lees in Johannes 19:30, "Dit is volbring." 

Wat beteken dit vir jou?

Hoe gaan jy hierdie boodskap deel met mense om jou?

Wanneer jy dink God voorsien met Jesus wat vir my en jou die ewige lewe gee - wat beteken dit vir jou?

Hoekom is dit iets wat jy nie net vir jouself kan hou nie?

Hoekom is die woorde van Matteus 28:18-20 so belangrik as ons dink aan hierdie week se tema - "God voorsien"?

Kersfees gaan oor God wat vir ons ewige vreugde gee - 'n vreugde wat dieper is as oppervlakkige gelukkig wees, geluk wat gekoppel is aan oomblikke.

Vreugde oorskry jou omstandighede - Lees Habakuk 3:17-19

Vreugde is gewortel in 'n God wat voorsien - Jesus wat die slang se kop vermorsel.

Kyk die volgende clip: (click op die rooi)

Verskil tussen vreugde en geluk

Bid saam