Sessies
Lees saam Handelinge 4:1-21.
Wat staan vir jou in hierdie gedeelte uit? Wat staan vir jou spesifiek uit in die gedrag van Petrus en Johannes, en van die Joodse raad?
Dis nogal indrukwekkend en aansteeklik as iemand die vrymoedigheid het om op te staan vir waarin hy glo. Dit is boonop dieselfde Petrus wat in die boek Lukas gemaak het of hy nie eens vir Jesus ken nie, wat nou soveel bravade het. En dieselfde Joodse raad wat Jesus veroordeel het, is nou uitoorlê. Die krag van die Heilige Gees gee vir ons moed, waagmoed en vrymoedigheid om wonderlike goed in die Here se naam te doen. Is daar rolmodelle in jou lewe na wie jy ook opkyk en wens dat jy soveel moed kon hê?
Lees weer vers 13. Die krag van die Heilige Gees is tot beskikking van doodgewone mense, soos ek en jy. Kom ons kyk na 3 aspekte wat dit vir ons moontlik maak om goddelike vrymoedigheid te kan hê. Nommer 1: God belowe dat Hy vir ons oorwinning sal gee. Hy belowe dit vir Adam, Abraham, Moses, Jakob, Isak, Lees Matteus 28:16-20. Wat leer ons van Jesus, en van die Heilige Gees en van jouself? Ons kan vashou aan God se beloftes deur tyd. Gee dit vir jou moed vir jou situasie? Moed vir moeilike situasies?
Nommer 2: God roep ons om braaf te wees en op gevaarlike terreine te beweeg. Kyk weer na Matteus 28. Hoe herinner dit jou aan Genesis 1? Ons roeping is aanhoudend, ons roeping is om te gaan en nie terug te hou nie, ons roeping is eindeloos!
Ons kan vashou aan God se beloftes en ons kan in gehoorsaamheid die opdragte uitvoer waarvoor Hy ons geroep het, maar alleenlik omdat ons die teenwoordigheid van die inwonende Gees in ons het. Nommer 3: God se alom teenwoordigheid stel ons in staat om vrymoedigheid te hê. Lees Efesiërs 3:12-16. Het jy die vrymoedigheid om jou uitdagings met God te bespreek? Kan jy God se troon met vrymoedigheid tegemoet gaan? Hoe weet jy en ervaar jy die Heilige Gees is by jou in moeilike omstandighede?
Die krag van vrymoedigheid is bedoel om ons tot aksie te bring. Het jy al ooit 'n moeilike ding gedoen al was jy bang en onseker voor die tyd? VRYMOEDIGHEID is dit wat ons doen, deur die krag van die HG aan ‘n dringende oortuiging in die aangesig van ‘n bedreiging. Laat jou moeilike omstandighede jou veg of vlug? Die krag van die Gees is tot ons beskikking wanneer ons die eerste stap neem.
Wat verhoed jou tans om jou geloof uit te leef? Sukkel jy om op te staan vir reg en geregtigheid, jou jy aan om die goeie nuus te verkondig al kry jy teenkanting?
Lees Filippense 1:12-14. Wat is dit wat jy nou moet doen om die stap in vrymoedigheid vorentoe te neem... en wat is dit wat jy nou moet doen om die stap in vrymoedigheid weg van iets te neem... ter wille van die verkondiging van die evangelie en die uitbou van die koninkryk? Mag jy die moed van die Heilige Gees ontvang om dit te kan doen!
Bid vir die dinge wat jou bang maak, dat die Gees jou sal help om dit te oorkom.
Bid vir areas in jou lewe waar jy nie moed het om op te staan teen verkeerde dinge nie.
Amen.
Lees hierdie teks saam en laat elkeen deel in groep wat vir hom of haar uitstaan in die teks?
Wanneer jy dink oor die Heilige Gees - watter gedagtes kom by jou op?
Wat is die doel van die Heilige Gees?
Jesus is baie ernstig as hy vir die dissipels terug stuur na Jerusalem en vir hulle beveel wag tot die Gees oor julle kom.
Jesus weet dat ons as mense kort Sy begeleiding in die proses wat ons getuig oor Hom-
Handelinge 1:8 is seker een van die bekendste teks gedeeltes oor die Heilige Gees- dit het twee dele
Julle sal krag ontvang - "dunamis" hierdie is een van die wonderlikste aspekte van die Heilige Gees-
Die Heilge Gees versterk die wat swak is, dit gee jou en my die vermoeë om dinge te kan doen en sê wat nie uit ons eie menswees gedoen of gesê kan word nie.
Wanneer die vraag kom waarvoor is ons versterk - waarvoor is hierdie krag? Lê die antwoord in die tweede deel van Handelinge 1:8
Ons ontvang die krag van die Heilige Gees om te getuig "martyr"
Hierdie is die kern van ons Christelike geloof - ons word geroep om te getuig oor die lewende opgestaande Christus nes ons is, waar ons is elke dag-
Daar is 'n storie van 'n jong pastoor wat by 'n ou pastoor gaan kuier het. Met sy aankoms stap die jong pastoor in die ou pastoor se kantoor in. Teen die muur hang 'n groot wêreldkaart. Die ou pastoor vra toe vir die jong man deur te wys na die wêreldkaart waar is jou area waar jy moet gaan getuig oor die lewende Jesus Christus?
Hierdie storie laat my altyd dink aan die opdrag - gaan en maak dissipels
Hierdie kan slegs gebeur wanneer ons getuig deur die krag van die Heilige Gees
Wanneer ons praat oor die Heilige Gees behels dit die Gees van God wat in ons kom woon om ons te versterk en begelei in die proses om oor Jesus getuienis te gee.
Dis die Gees van God wat ons daagliks versterk om daar waar jy is - 'n getuie vir die lewende Here te wees.
Dit gee jou en my die vrymoedigheid en die onderskeiding wat om te sê - wat om te doen sodat God alle eer sal kry in die proses.
Dit is soos 'n tram- vir die tram om te kan beweeg moet die tram heeltyd gekoppel bly aan die kragdrade bo die tram.
Hierdie kragdrade bekragtig die tram om te kan beweeg, die tram kan nie op sy eie beweeg nie-
Dit is presies hoe die Heilige Gees werk- ons krag om te getuig kom nie van onsself nie -maar ons word versterk deur die Heilige Gees.
Waar het jy krag nodig om te getuig oor Jesus?
Wat staan vir jou uit in die vers?
Ons hoop behels die krag van die Heilige Gees wat ons gaan bekwaam om te getuig oor die Here Jesus-
Mag jy ook met groot vrymoedigheid waar jy is getuig oor Jesus
Mag jy ook ervaar hoe die Heilige Gees jou versterk om kragtig 'n Goddelike getuienis te gee waar jy is
Mag jy groei in jou getuienis om God alleen die eer te gee
Bid saam
Lees die volgende stuk teks
Lees weer vers 4 -
Hierdie is die storie van die dissipels wat moes wag op die Heilige Gees-
Jesus beveel hulle om spesifiek terug te gaan na Jerusalem en te wag vir die Heilige Gees
Wanneer jy dink aan wag - watter gedagtes kom by jou op?
Wag is seker een van die dinge wat die meeste mense niks van hou nie-
Wag is soms 'n eemalige wag vir 'n spesifieke aksie die ander soort wag behels 'n proses-
In hierdie proses is daar baie groei wat gebeur met die individu wat wag -
Hierdie groei proses behels 'n Goddelike proses-
Daar is soveel individue wat moes wag - dink aan Abraham wat moes wag vir sy seun, Moses wat 40 jaar in die woestyn kyk na bokke/skape en dan Jesus wat self eers sy bediening betree het op 30 jarige ouderdom.
Daar is 'n Goddelike proses wat gebeur gedurende die wag proses -
Ons het 'n paar weke terug gekyk na die teks wat Jesus die menigte innig jammer kry, die rede was want hulle was soos skape sonder 'n herder-
Dit het my laat dink aan die EMI se logo "listen to his masters voice"
Daar is 'n oomblik wanneer 'n hond luister na sy baas se stem - waar sy kop draai en hy seker moet maak dis sy eienaar se stem, voor hy reageer...
In daai wag is daar 'n groei proses - 'n proses waar jy onderskei:
Wat is jou roeping?
Wat is jou taak?
Wat is God se wil vir jou lewe nou?
Deel met groep 'n tyd wat jy moes wag om die wêreldse geraas stil te maak in 'n wag proses op die Here...
Dit is die stiltes tussen die note wat die musiek maak - daai stiltes behels die wag vir die note
Wanneer jy wag - raak die musiek meer spesiaal!
Wanneer jy wag op die Here gebeur die volgende:
1. Jy raak bewus van jou tekortkominge
2. Jy raak deeglik bewus van die uitdagings
3. Net deur die Here se krag kan jy die uitdagings van die lewe tackle
Wanneer ons na die Bybel kyk is daar ook soveel stories waar mense nie gewag het nie...
Dink aan 'n paar en deel dit met jou groep-
Daar is 'n storie van 'n skip wat in 'n storm beland het. Op die skip was daar 'n jong man wat heen en weer op die dek gehardloop het. In die proses het hy baie van die ander passasiers ontsenu en bang gemaak. Die kaptein het vir die man gevra om aan een van die toue styf vas te hou. Hierdie proses het die kaptein vir die man bemoedig sou help in die hantering van die storm. Na afloop van die storm het die jong man orals rond geloop en gespog hoe hy die skip help seil het deur die storm. Die kaptein het daarvan gehoor en hom geroep. Sy woorde aan die jong man was - al rede hoekom jy die tou moes vashou, was om jou weg te kry van die ander pasesiërs...
Hoeveel keer hanteer ons nie 'n storm swak in ons lewe omdat ons nie bereid is om te wag op die Here nie?
In die Bybel is daar talle individue wat ook nie kon wag nie -
Mag jy ook leer wag -
Wag op die Here om vir jou te versterk en leiding te gee!
Bid saam-
Website Developed and Hosted by