Jy kan slegs groei in jou lewe en verhouding met God as jy gevestig en gefokus is in en op die ewigheids waardes en beginsels wat van Hom af kom.  

Ons fokus op tydelike oorwinnings en probleme veroorsaak soms dat ons die oplossings en selfs hoe ons voorentoe sal reageer baseer op dit.

Wat is die verskil tussen 'n tydelike oorwinning en 'n ewige oorwinning?

Wat is iets in jou lewe wat jy tydelik voor werk en ewig voor uitsien?

Wat sou in elk se geval gebeur as jy suksesvol is om elkeen af te handel?

Lees 2 Tessalonisense 2:1-5

Ons het die verantwoordelikheid om vas te stel wat ons deel van ons lewens gaan maak en wat nie.  

Vrye wil is 'n groot voorreg maar ook 'n kritiese deel van hoe jou pad voorentoe gaan lyk.

Wat bepaal jou keuses in die lewe?

 Is hierdie keuses gebaseerd met die oog op 'n beter uitkoms of met 'n toekoms visie in gedgte?

Is dit moontlik om nogsteeds suksesvol te wees met tydelike doelwitte as jy gefokus is op 'n toekomstige ewige visie?

Sodra jou fokus gerig word op wat die Here vir jou vir die ewigheid beplan skyf hoe jy na tydelike doelwitte kyk.

In jou verhouding met God, verhouding met jou gesin en verhoudings in jou werksplek beteken 'n fokus op die ewige om te fokus op die gesondheid en voortuigang van die verhouding en nie om al die "stappe" reg te kry van hoe om in 'n verhouding te wees nie.

Waar in jou lewe is God besig om jou te lei om te onderskei waar Hy is en nie is nie?

Waar in jou lewe kan jy meer hoe Jesus gelewe het weerspieël?

Hoe bepaal jy wat waar en nie waar is nie?

Hoe bepaal jy wat opreg en nie opreg is nie?

Jesus se lewe getuig van tydelike en ewige oorwinnings.  

Sy pad na die kruis vertel van genesing, liefde, genade, seën, leering en wysheid.  Met Sy ewigheids visie van genade vir almal wat glo het Hy die tydelike beproewinge met die krag van God oorwin en mense geinspireer om dieselfde te doen.  

Luister saam na Heart of Worship van Matt Redman deur hierdie link te volg:  https://www.youtube.com/watch?v=D4RUjGsTfks

Hierdie lied vertel die storie van 'n gemeente wat besluit het om te fokus op die ewige, om God te aanbid, en nie die tydelike, hulle klanksisteem en instrumente en profesionele aanbiddingsspan nie.  Hulle het dus weggedoen met alles behalwe die mense se stemme en hulle bybels.  Geen orkes, geen klanksisteem en geen woorde om mee saam te sing.  Vir 'n tyd was dit moeilik en ongemaklik maar het toe later verander in ware aanbidding in oorgawe. 

Mag jy ervaar dat die Here jou fokus wil rig op SY ewigheid en jou lei na oorwining nie net tydelik nie maar ewig.

Bid saam.