God het ons elkeen geskape met die potensiaal om Sy stem te echo. 

Hierdie echo van God se stem is nie soos die van 'n pappegaai wat net woorde herhaal sonder dieper betekenis en verstaan nie.  Om God se stem te echo betekin om Sy stem te weerkaats vir die res van die wêreld sodat almal Sy stem kan hoor.

Hoe glo jy kan jy God se stem echo?

Lees Eksodus 3:2-10 en Josua 5:13-6:3 saam

As jy kyk na die lewens van Moses en Joshua hoe het hulle God se stem ge-echo?

As ons na beide stories kyk sien ons eerstens die Teenwoordigheid van God.

Gevolg deur dit is 'n belofte van God wat sê: "EK SAL...".  Na die ek sal kom die "JY MOET.." 

Hierdie is die echo wat ons deur ons lewens van God se woord moet hê.  God was sê EK SAL en ons wat dan echo deur gehoorsaam te wees aan die JY MOET wat God sê.

Bespreek in beide stories die uniekheid van  1: Teenwoordigheid van God. 2: Wat God sê sal Hy doen. 3: Wat God sê moet Moses en Joshua doen.

Glo jy God het jou geroep om Sy stem te Echo?

As ons kyk na Sy woord is die 100% JA

Lees  Johannes 14:15-17 en 1 Johannes 4:12-15 saam

God is teenwoordig in jou lewe reg om met jou te praat in die vorm van die Heilige Gees.

Wat is die areas in jou lewe waar jy God vertrou om verandering en leiding te bring?

Wat glo jy is die EK SAL wat God vir jou sê?

Hoe dink jy kan jy gehoorsaam teenoor God wees?

Wat is die JY MOET in jou lewe?

Hoe hoor mens God se stem en weet jy waneer jy gehoorsaam is teenoor Hom?

Dit alles begin by 'n studie van voorbeelde.

Kyk na die volgend stories in die Bybel en gesels oor hoe elk van die helde die stem van God gehoor het en dan geweet het wat om te doen daarna.

Dawid in 1 Samuel 17; Simson in Rigters 13; Gideon in Rigters 7; Johannes die Doper in Matteus 3 en Paulus in Handelinge 9

Al het God op verskillende maniere met elkeen van hierdie helde gepraat het hulle elkeen God se stem ge-echo en so kan ons ook.

Hoe gaan jy God se stem beter in jou lewe hoor?

Lees Johannes 14:6 en Johannes 12:44-50

Ons sien hier hoe Jesus verduidelik dat wat Hy gesê en gedoen het van God af gekom het. 

Hierdie is dan die perfekte leerskool vir elkeen van ons om God se stem in ons lewens te hoor.  Hoe meer en meer ons lees en leer van die woorde van Jesus hoe meer en meer gaan God se woord bekend raak vir ons.  

Hoeveel tyd spandeer jy met die woorde van Jesus Christus en hoeveel dink jy moet jy ekstra spandeer om meer en beter God se stem in jou lewe te hoor?

Deel voorbeelde van woorde wat Jesus gesê het wat jy direk in jou lewe kan toepas om God se stem te echo.

Eindig deur vir mekaar te bid om God se stem duideliker te hoor en om gehoorsaam uit te gaan en Sy wil te echo.

Die wonderlike van die goeie nuus wat Jesus gebring het is dit: "God nooi ons uit om 'n verhouding met Hom te hê!"

Die probleem is, in Gen 3 het ons die belangrikste fondasie vir hierdie verhouding beskadig: 'vertroue'. Jesus wys ons hoe ons weer kan bou aan hierdie vertroue - nie in die eerste plek deur gewoontes, tradisies en rituele nie, maar spontane vertroue en liefde - om die intieme verhouding met God te hê wat Hy van die begin af met ons wou hê.

Gesels met mekaar: hoekom is 'vertroue in God' 'n krities belangrike element in die deurbreek en afbreek van die mure in ons lewens?

Hoekom sukkel baie Christene so om God te vertrou vir deurbrake?

Lees saam Matt 14:13-21 (Jesus voed die 5000+) en ook Matt 14:22-29 (Jesus loop op die water)

Wat is vir jou die kern in elkeen van hierdie verhale? Wat wou Jesus vir sy dissipels leer?

Met 5,000 mans teenwoordig, kan ons skat dat daar ongeveer 15,000 mense daardie dag daar was. Waar sou jy begin het as Jesus vir jou gevra het "Gee jy vir hulle kos"? Is dit 'n goeie metafoor van hoe oorweldigend baie van die mure in ons lewens vir ons lyk?

Wat leer hierdie twee verhale vir ons oor vertroue? Hoe spreek dit in ons situasies in waar ons oorweldig en nie goed genoeg toegerus voel nie?

Sou jy kon saamstem met die volgende stelling: "Jesus nooi ons uit, om te doen wat ons kan doen, en Hom te vertrou vir die res"? Kyk of julle 'n voorbeeld kan gee van hoe hierdie beginsel prakties in 'n sekere situasie sou werk?

Droom vir 'n oomblik saam: wat sou gebeur as Christene werklik weer vir God begin vertrou vir die deurbrake in hulle lewe?

Bid saam dat die Here die deurbrake wat Hy in ons lewens bewerk, sal gebruik as getuienisse dat Hy absoluut ons vertroue waardig is.