Lees Johannes 13:1-17
As jy dink aan die term handdoek mense; mense wat ander bedien wat se gedagtes kom by jou op?
Kyk die volgende clip - (click op die rooi)
Wat staan vir jou uit in hierdie clip?
Wanneer jy dink aan Johannes 13:15 wat behels die voorbeeld wat Jesus vir jou en my stel?
Wanneer jy dink wat die Here Jesus Christus alles vir jou en my gegee het, wat is daar wat jy weer vir iemand anders kan gee?
Een van die belangrikste elemente van die Christelike geloof behels nie 'n houding om gedien te word nie, maar om te dien. Jesus het nie aarde toe gekom om gedien te word nie, maar om te dien. Om 'n voorbeeld te stel waar ons as gelowiges Sy hande en voete moet wees om die koninkryk van die Here te groei.
Ons almal ken die speletjie waar jy 'n wiel laat rol met die stok aan beide kante... ons weet as jy net aan die een kant aandag gee gaan die wiel nie baie ver rol nie.
Dis hoekom dit nodig is om Jesus se opdrag en voorbeeld dieper te verstaan. Die voorbeeld volg behels die groei van die koninkryk van die Here op aarde.
Waar moet jy dien?
Om 'n handdoek mens te wees, behels dit om deeglik bewus te wees van dit wat elkeen van ons ontvang en dit nie te hou nie, maar dit weer vir ander te gee-
Wanneer ons dit nie verder uitdeel nie gebeur daar niks- en die koninkryk van die Here Jesus Christus kan nie verder groei nie -
Lees Filipense 2:25-30
Wat staan vir jou uit in die manier hoe Paulus praat oor Epafroditus?
Epafroditus is gesien as die vader van die beweging waar gelowiges gekenmerk is as "gamblers" waar hulle, hulle lewens gewaag het om ander te help.
Het jy al gewaag om ander te bedien?
Gedurende die geskiedenis van die vroeë kerk het gelowiges ander gedien tot die uiterste om die liefde wat Jesus vir hulle gehad het uit te leef.
Hierdie was dan ook een van die redes hoekom die kerk gegroei het want die liefde wat gelowiges ervaar het by hulle samekomste het hulle weer gaan deel met ander mense om hulle in die vloei van hulle week.
Waar word jy geroep om ook 'n handdoek gelowige te wees?
Mag jy opnuut besef gelowiges is mense wat ander bedien
Mag jy opnuut deur die Heilige Gees jou area ontdek waar jy moet bedien
Mag jy ook so deur gehoorsaam te wees die koninkryk van die Here groei
Bid saam
