Fresh Namibia is besig met ons reeks oor stories van Jesus.
Jesus het gelykenisse vertel wat ons in die vier evangelies lees. Stories wat die mense om Jesus maklik kon verstaan. Hierdie stories het baie keer 'n dieper betekenis ook gehad.
Begin jou groep om saam te bid.
Lees die volgende teks gedeelte saam.
Wat staan vir jou uit in hierdie gelykenis?
Hierdie is 'n baie bekende gelykenis- lees ook die drie verse net voor hierdie gelykenis.
Wat staan vir jou uit in die drie verse? Veral as jy dink aan vers 23 se "openlik"
Wanneer ons praat oor fondamente is dit nie iets wat mens kan sien nie. Dis onder die grond. Tog het dit 'n baie belangrike rol. Jesus gaan vir die mense wie se fondament nie op Hom gebou is nie, openlik sê; "ek ken julle nie."
Dit bring jou terug by jou lewende verhouding met Jesus - bou jy tans jou huis "jou lewe" op Jesus?
Een van die bekendste torings wat die fondament nie reg is nie is die toring van Pisa. Jou gebou kan hoe mooi wees bo die grond, maar as jou dinge onder die grong nie reg is nie help dit niks wanneer die storms van die lewe kom nie.
Laas week het ons gekyk na die gelykenis van die koring en die onkruid. Dit herinner ons weer soos hierdie week dat die storms van die lewe en die onkruid nooit iets sal wees waar gelowiges hulself kan van isoleer nie.
Wat is tans die storms om jou huis?
Wat is tans jou anker, jou fondament waarop jy jou huis "jou lewe" bou?
Hoe sou jy hierdie gelykenis vir 'n kind verduidelik?
Ons kern lesse wat ons leer uit die gelykenis behels die volgende
Lees die volgende teks gedeelte
Eerstens dat Jesus ons fondament is. Wat staan vir jou uit in die teks gedeelte?
Lees die volgende teks gedeelte
Wat staan vir jou uit in die teks? Jou hart kan vergelyk word met jou liggaam se fondament. Wat jou hart van vol is loop oor by jou mond. Getuig jou woorde van 'n hart wat stewig gevestig is op Jesus?
Lees weer die volgende teks gedeelte, Matteus 7:21-23
Getuig jou lewe, jou hart en jou huis van iets wat stewig gevestig is op Jesus as fondament vir hierdie lewe se storms?
Wat dink jy sou tekens wees wat dit bevestig?
Hoe hanteer jy tans storms? Hoe het jy die laaste storm hanteer waardeer jy moes gaan?
Lees die volgende teks gedeelte
Wat staan vir jou uit in die teks? Wat behels ware krag? Hoekom is dit so belangrik om stewig jou lewe op Jesus te bou?
In Jesus se gesprek met Simon Petrus noem hy hom die rots van die kerk. Die woord in die grieks is "petra" Petrus se verhouding alhoewel hy baie foute soos ek en jy gehad het getuig van iemand wat saam met die Here alles doen. Dink aan die drie vrae wat Jesus ook vir hom vra in die eerste ontmoeting na Jesus se opstanding - Petrus het jy my lief met jou alles?
Het jy tans Jesus lief met jou alles? Dit die begin proses van die bou proses.
Handeling help ons ook met die bou proses - lees die volgende twee teks gedeeltes.
Wat staan vir jou uit in die twee teks gedeeltes? Hoe help dit jou en my met ons elkeen se bou proses op Jesus ons fondament?
Paulus help ons ook hiermee - lees die laaste teks gedeelte vir die week se sessie
Hierdie teks is kern in die week se sessie - dis hoekom ons hiermee afsluit. Enige iets anders as die Naam bo alle name behels 'n bou proses op sand-
Mag jy opnuut weer kies om jou huis - jou lewe op Jesus te bou!
Bid saam
