Sessies
Verlede week het ons begin kyk na die kernbeginsels van die Evangelie, die Goeie Nuus, en veral na God se onvoorwaardelike liefde vir my en jou. As ons egter na die wêreld rondom ons kyk, is daar min van hierdie liefde en hoop en genade sigbaar. Die wêreld is stukkend, vuil, vol korrupsie, siekte, dood en onmin.
Wat is die dinge wat jou tans ontstel? Hoe het ons hier beland? Wat is ons rol hierin?
Hoekom raak dit nie beter nie? Wat dink jy is die redes vir die chaos in die wêreld?
Dit neem ons terug na die Tuin van Eden. God het sy identiteit, waarde en betekenis in Adam en Eva geblaas. Hulle het die perfekte verhouding en verbintenis met mekaar gehad, die perfekte tuiste.
Nogtans het Adam en Eva gekies om nie God se wil en plan te vertrou nie, maar eerder die Satan se standaarde.
Die gevolg: 'n gebroke verhouding, leeg en alleen, verlate en ver weg van God.
Hoe dink jy stem die gebeure in die Tuin van Eden ooreen met wat ons vandag ervaar?
Voel jy God is ver van ons af? Voel jy God is nog in beheer en vol liefde en teenwoordig in hierdie wêreld?
Lees saam Jesaja 59:1-12 (kerngedeeltes vers 1-2 en 9-12). Wat staan vir jou uit in hierdie teksgedeeltes? Watter eienskappe/ kenmerke van God staan uit? Wat is kenmerke van die mens wat uitstaan?
God hoor alles, sien alles. Hy is alomteenwoordig, steeds liefdevol, in beheer, kom Sy beloftes na, bring hoop en verkondig genade.
Die rede hoekom die mens dit moontlik nie sien nie, is dalk omdat jy geskuif het en nie Hy nie... Wat is volgens hierdie teksgedeelte die rede hoekom ons nie God se intimiteit kan ervaar of Hom kan sien nie?
Die grootste sonde waaraan ons skuldig is, is waarskynlik om ons identiteit in Christus te ontken of te ignoreer. Ons kan nie God se plan en wil in ons lewe en die lewe rondom ons ervaar nie, omdat ons te ver beweeg het van die identiteit en doel wat God in ons lewe geblaas het in die Tuin van Eden.
Wat is dit wat jou terughou of verhoed om Christus se plan volkome te kan sien? Hierdie hindernisse is mure wat skeiding tussen ons en God bewerkstellig.
Party het so gewoond geraak daaraan - ons noem dit menslike swakheid of die nuwe normaal of 'n disfunksionele regering of familie of sommer net die moderne tyd waarin ons bly. Die Bybel noem dit sonde - almal word daardeur geaffekteer en ons is almal sondaars.
Dit is deel van die goeie nuus van die evangelie, want dit beteken Jesus het vir jou ook gesterf, en juis vir die vuil en stukkend in jou lewe!
Moenie blind wees vir jou foute, vir jou mure of hindernisse, die struikelblokke wat tussen jou en 'n intieme verhouding met Christus staan nie. Hy vra dat jy jou sonde sal bely en daarvan wegdraai, nader na Hom toe en binne Sy wil sal leef.
Watter mure is daar in jou lewe? Onvergewensgesindheid? Individualisme? Perfeksionisme? Valse skuldgevoelens? 'n Minderwaardigheidskompleks? Wil jy dalk meer doen, wyer en verder soek in plaas van jouself ondersoek?
Dink 'n bietjie aan die dinge waarmee jy jou lewe vul opsoek na geluk en betekenis, waarde en identiteit?
Lees 'n bietjie Pascal en Augustinus, prominente karakters in die vroeë kerk, se aanhalings. Wat beteken dit vir jou? Wat dink jy is God se doel en wil vir jou lewe? Is jy besig om daardie wil uit te leef, is jy nop op koers? God se plan en wil vir jou lewe het nog nooit verander nie - jou identiteit lê steeds in Hom en Hom alleen.
Skryf veral neer wat is die dinge wat jou weerhou om op koers te bly. Niks kan vir ons werklik waarde, identiteit en betekenis gee, behalwe God nie, want Hy is ons Vader.
God is lief vir sondaars. Hy het Sy Seun aarde toe gestuur juis vir sondaars, mense soos ek en jy wat nie op ons eie dit kan regkry of verstaan of vir wie dinge altyd uitwerk nie. Jy kan net hierdie liefde en ewige trou ervaar as jy bereid is om ook jou stukke by die kruis neer te lê.
Bid saam:
Here, dankie dat U ons aanvaar as sondaars, nes ons is. Dankie dat U steeds liefdevol en genadig is en nooit skuif in U grense nie.
Here, vergewe ons omdat ons nie die hoop, liefde en genade kan sien nie as gevolg van die hindernisse in ons lewe. Help ons om hierdie hindernisse daagliks by U te los sodat ons weer volkome kan sien en glo.
Amen.
Fresh Namibië begin die week met die eerste van vier kern waarhede van die evanglie.
Die eerste hartklop van die evangelie waarna ons kyk die week behels - God is lief vir jou!
Wanneer ons as gelowiges praat oor God se liefde vir ons is 'n goeie outeur die apostel Johannes.
Daar word verwys na Barth wat per geleentheid gevra word om die evangelie in een sin saam te vat-
Sy reaksie was: "Jesus loves me this I know, for the Bible tells me so"
Hoe sou jy die evangelie in een sin saam vat?
Lees die volgende teks gedeelte saam
Wat staan vir jou uit in elke vers van die gedeelte?
Die eerste woord in vers een "Kyk" word vertaal van die griekse woord "i-do"
Die vertaling maak nie die volle krag van die woord bekend nie, die woord "i-do" moet met meer verwondering gesê word. Hierdie verwondering lê in die Here die almagtige wat vir elkeen van ons lief het. Sulke groot liefde dat God se seun gegee het.
Die apostel Johannes se hartklop vir mense het die liefde van die Here behels.
Daar is 'n storie van 'n sterk erkende historiekus Eusebius. Hierdie storie gaan as volg; Johannes het 'n pad gestap met 'n jong krimineel. Johannes moes vinnig vir 'n paar dae na 'n nabye dorp gaan vir dringende sake. Hy het die Biskop vertrou om verder 'n pad met die jong man te stap. Met sy terug koms het die Biskop Johannes ingelig dat die jong man weer sy hart vir die wêreld gegee het. Met ander woorde terug gekeur na 'n lewe sonder Jesus.
Dit het behels dat die jong man terug gekeer het na sy bende in die berge om die dorpie. Johannes het net dan en daar na die berge gehardloop, 'n groot gevaar vir homself want hierdie bendes het allen reisigers gevange geneem. Nie lank nie en hy is gevang. Hulle het hom geneem na hul leiers. By die leiers het hy die jong man weer gesien, op eerste glans het die jong man weg van Johannes gehardloop - Johannes het hom agter na gevolg en geskree - onthou die Here Jesus is lief vir jou!
Johannes se kern boodskap was altyd - liefde!
Om hierdie hartklop dieper en beter te verstaan en die aard daarvan lees Johannes 17
Wat staan vir jou uit in Johannes 17 as jy dink aan die liefde van Jesus?
Jesus se liefde vir my en jou behels 'n liefde waar daar nie onderskeid gemaak word tussen ons en Jesus interme van God die Vader se liefde vir elkeen van ons.
Lees weer 1 Johannes 3:1
Kyk - hoe wonderlik is die liefde wat Jesus aan ons bewys het...
Hierdie woord beteken letterlik uitgegiet op jou en my -
Wat beteken dit vir jou?
Thomas Goodman vertel die storie van 'n pa wat saam met sy seun loop. Die pa vertel gereeld vir sy seun hy is lief en trots op die hom. Dan tel hy hom op en druk hom styf en gee hom 'n soen. Terwyl hy hom op tel en druk vertel hy hom weer dat hy trots en lief vir hom is.
Dis die verskil tussen kennis en ervaring behels ervaring gee 'n ervaring van die kennis. Dis die optel en die woorde ervaar.
Die oomblik as die seuntjie se voete die grond tref is hy "radio-aktief" asgevolg van sy vaderlike liefde wat hy ervaar het en nie net meer woorde nie...
Die kern van God se liefde behels sy aksies vir ons -
Lees saam die volgende hoofstuk
Wat staan vir jou uit in hierdie hoofstuk?
Ware liefde is nie die liefde wat ons eerste vir die Here Jesus het nie, maar ware liefde is die liefde wat Hy eerste vir elkeen van ons gehad het. Die die liefde wat woorde soos "i-do" en bewys gebruik in 1 Johannes 3:1
In die film - Fisher King vra Robert Williams vir Amanda King uit. In die gesprek deel sy met hom dat hy nie van haar meer sal hou as hy haar beter leer ken nie. Hy antwoord haar met ek weet klaar die ergste van jou - ek is lief vir jou!
Wanneer laas het jy besef God weet klaar jou ergste en steeds is Hy lief vir jou?
Daar is twee tipe volgers van Jesus
1. Wat verwag dat Jesus goed vir jou moet wees want jy doen klomp dinge reg
2. Die tipe wat heeltyd soos Johannes "i-do" Kyk watter liefde het God op my uitgestort, met al my foute is hy steeds lief vir my!
Om die verskil te verstaan is 'n salaris 'n goeie illustrasie. Aan die einde van die maand as jy jou salaris ontvang skree jy nie "i-do" nie, jy het 'n houding ek het hard gewerk vir dit. Ek verdien dit.
God se liefde is juis vir mense wat nie eintlik sy genade verdien nie - dis ware liefde!
Mag jy die week weer weer jouself verwonder aan God se liefde
Mag jy opnuut besef liefde is die kern van die evangelie
Mag jy opnuut besef die Here Jesus het jou lief!
Bid saam
Vir die agelope paar maande is ons land en die res van die wêreld deur 'n storm van verskillende gebeure.
As gelowiges is dit soms moeilik om seker te wees oor hoe om te reageer of om te weet wat die Here van ons verwag.
Ons fokus hierdie week op ons gedagtes en oor die stryd wat huidiglik aan die gang is oor wat en hoe jy dink.
Dit is 'n algemene verstaan dat ons gedagtes ons dade bepaal en daarom is dit belangrik om konstant te fokus op die Here en Sy wil.
Lees Filippense 4:8 saam
Wat staan vir jou uit in hierdie teks?
As jy na alles kyk waaroor jy daagliks dink, hoe sou dit opweeg teenoor wat Filippense 4:8 sê?
Wat is die goed wat jou keer om op so wyse soos gesê in Filippense 4:8 jou gedagtes te rig?
Lees 1 Petrus 5:8 saam.
Wat beteken dit om in jou gees en gedagtes nugter te wees?
Wat kan moontlik van die lokvalle wees wat jou keer om helder te dink?
Ons vind baie in ons daaglikse lewens dat dit nie altyd groot lewensveranderende sake hoef te wees wat ons gedagtes gevange neem nie.
Dit is soms klein onbelangrike goed wat die meeste ons fokus kan steel.
Wat is die maniere waarop jy kan sterk "staan" soos gesê in 1 Petrus om nie toe te laat dat jou gedagtes beinvloed word deur onbelangrike sake nie?
Lees 2 Korintiërs 10:5
Ons leef in 'n tyd waar informasie en verskillende opinies nog nooit so vrylik beskikbaar was nie.
Wat sou jy sê is van die grootste aanvalle op die Christelike geloof vandag? Of soos 2 Korintiërs sê: Die "aanval teen kennis van God"
Wat is die verskil tussen gedagtes gevange neem en van gedagtes ontslae raak?
Vir ons om ons gedagtes te versterk en meer en meer gefokus op die Here te wees is dit nodig vir ons om gesag oor alle gedagtes te neem.
Dit beteken dat sodra ons slegte of negatiewe gedagtes kry ons nie net van hulle ontslae raak nie, maar seker maak hulle beinvloed ons nie weer nie.
Lees 1 Johannes 4:4
Van die belangrikste maniere vir ons om ons gedagtes te fokus is om ons perspektief van wat groot is in ons lewe te verander.
Hoe meer en meer ons leer, fokus en tyd spandeer met die Here, hoe meer gaan ons Sy grootheid in ons lewens en gedagtes ervaar.
Hoe skerper jou beeld van Hom is (jou kennis van God), hoe sterker gaan jou gedagtes oor jou roeping wees.
Dit beteken jou dade kan dan bepaal word deur gedagtes wat bepaal en versterk word deur die Here.
Deel maniere hoe jy 'n skerper beeld van die Here daagliks kan kry.
Bid saam.
Website Developed and Hosted by