Lees die volgende stuk teks twee keer deur en deel met mekaar wat vir jou uitstaan in die teks.

Wat behels dit om 'n profeet te wees?

Hoe het dit prakties in die Ou Testament gelyk? 

Hoe lyk 'n profeet vandag?

Wanneer jy dink aan die rol van 'n profeet kom dit neer op 'n boodskap van God, het jy al 'n spesifieke boodskap van God ontvang?

Wat maak 'n profesie anders as 'n normale boodskap van God?

Wat maak 'n profesie besonders?

Daar is vier kern elemente wat 'n profesie moet bevat.

1 - Dit moet in lyn wees met die Woord van God.

Iemand kan byvoorbeeld nie vir jou 'n woord gee wat jou sal aanmoedig om die tien gebooie te breek nie, soos dat dit reg sal wees om iets te steel as dit is van iemand wat meer as jy het nie.

 2 - Dit moet tot verligting wees vir die individu wat die woord ontvang.

Dit moet lig werp op jou huidige omstandighede en jou help om dit bietjie beter te verstaan.

3 - Dit moet jou plek in God se plan bevestig, met ander woorde, die Here se plan met jou lewe versterk.

4 - Dit sal vir jou vrede gee, nie vrees nie.

Bespreek hierdie vier elemente van 'n profetiese woord.

Spesifiek wanneer jy woord ontvang om vir iemand te gee asook woord ontvang van iemand af.

Een van die moeilikste aspekte wanneer 'n mens woord ontvang het is die tyd aspek...

Mag jy leer om op die Here te wag, soos die wagte op die more wag, maar ook om dit voortdurend aan die Here se Woord te toets. Bid ook saam met ander gelowiges daaroor en soek die Here se wil.

Hoekom is hierdie proses so moeilik?

Lees weer Handelinge 2:21 

Wat staan vir jou uit in hierdie vers?

Watter rol het ons elkeen om dit te bewerkstellig in terme van ons rol as profeet?

Die kern van ons rol as profeet is om vir alle mense om ons te vertel van Jesus se liefde vir hulle.

Een van die naweek wat verby is se lesse oor liefde het gekom vanuit 1 Johannes 4:7-10 waar Biskop Michael Curry ons herinner het hoe kragtig die liefde is. Liefde en die verkondiging daarvan deur profete los mense nooit onveranderd. 

Mense soos die moordenaar langs Jesus se kruis - Lukas 23

Die vrou wat op owerspel betrap is - Johannes 4

Die tollenaar - Lukas 19

Onskuldige kinders - Matteus 18

Waar roep die Here jou om 'n profeet te wees vir die mense om jou? Om hulle te vertel van die liefde wat God vir elkeen van hulle persoonlik het?

Mag jy opnuut besef jy is 'n profeet!

Mag jy opnuut besef hoe belangrike 'n Goddelike woord is!

Mag jy opnuut jou rol speel en God se liefdesboodskap deel met die mense om jou!

Bid saam

In hierdie reeks waar ons meer fokus op die krag van die Heilige Gees is een van die belangrikste eienskappe van die Gees om ons te lei in die lees en verstaan van God se Woord.

Lees Matteus 5:17-20

Hoeveel tyd spandeer jy om regtig te verstaan wat God vir jou probeer sê as jy die Bybel lees?

Wat is die stappe wat jy neem om God se Woord nie net nog 'n informasiestuk te maak nie, maar 'n manier om 'n karakter transformasie in jou lewe te maak?

Lees saam die volgende stukke in die Bybel waar ons te doen het met die Woord van God.

Genesis 1:3

Eksodus 3:1-10

1 Samuel 16:11-13

Lukas 1:30-33

Hoe baie het God vir jou gesê toe Hy in hierdie dele gepraat het?

Hoe baie het God gepraat teenoor hoe baie die opdrag behels het?

Hoe het al die karakters se stories verander vanaf God met hulle gepraat het?

Hoe baie verander jou storie as jy te doen het met die Woord van God?

Hoe het God hulle voorberei, moontlik voor en na die tyd, vir die opdrag wat Hy hulle gegee het?

Glo jy dat God jou voorberei voor en na jy tyd met die Bybel spandeer? Hoe en Hoekom?

Lees Galasiërs 1:11-24

Lees nou Galasiërs 1:11-12 - Glo jy God kan direk met jou praat deur sy Skrif en ander gelowiges? Hoe kan jy meer en meer soos Paulus openbarings van die Here ontvang?

Lees nou Galasiërs 1:13-14 - Glo jy jou verlede speel enigsins 'n rol in God se openbaring in jou lewe of hang dit alles af van wie God is en wat Hy sê?

Lees nou Galasiërs 1:15-19 - Hoeveel tyd spandeer jy aan Bybel lees, boeke oor die Bybel lees, preke en stil word en waar glo jy kry jy die meeste openbaring van die Here?

Lees nou Galasiërs 1:20-24 - Glo jy dat God jou wil transformeer met elke skrifgedeelte wat jy lees en tyd wat jy aan sy Woord spandeer?

Mag jy besef dat God met elke tree wat julle saam loop jou lewe wil verander in iets wat van Sy glorie en liefde getuig en mag jy met die hulp van die Heilige Gees 'n nuwe diepte in jou lewe ervaar elke keer wat jy tyd met die Woord van God spandeer.

Bid saam