Wanneer jy hierdie woorde hoor- moet julle nie bekommer nie...
Watter gedagtes en emosies kom by jou op?
Dink jy mens kan hierdie woorde ernstig opneem in die Bybel?
Waaroor bekommer jy jouself tans oor?
Lees die volgende teks?
Wat staan vir jou uit in hierdie teks?
Wanneer ons weer kyk na vers 33, dan behels dit 'n fokus na buite...
God se koninkryk is altyd na buite gerig - missioneel van kern.
Wanneer het jy jouself bekommer oor mense buite jou normale gang van jou lewe?
Die griekse woord vir bekommer behels - "merimna" wat nie 'n passiewe aktiviteit behels nie.
Om jouself te bekommer behels nie om net te sit en wag nie...
Dit behels ook om jou deel te doen - aktief te soek na oplossings vir jou kommer-
Dink aan die storie van Naomi en Rut - In Rut 2:2 - sit Rut nie in sak en as en bekommer haarself oor haar status en heen kome as weduwee nie. Sy is aktief besig om 'n uitkoms te bewerkstellig.
Wat beteken dit vir jou?
Wanneer jy jouself bekommer - is die gelowige se taak nie een van wag by die foon tot jou losser jou sal bel nie - jy moet aktief jou deel ook doen.
Wanneer ons hierdie teks lees volg dit op Matteus 6:24 - waar Jesus ons herinner dat ons nie twee base kan dien nie.
Ons menslike kapasiteit behels om net een God te kan dien.
Karl Barth - skryf dat klein gelowiges Jesus volg met hulle - vertroue, geloof, lering en geloof - maar net tot op 'n sekere punt... 'n punt van ongemak...
Daardie punt behels gewoonlik die punt waar - die evangelie te naby aan jou menswees kom...
Waar jy Matteus 6:33 eerste moet stel bo alles - ook jou kommer en sorge van die lewe...
Wat keer jou tans om so te leef?
Liefde maak soveel kommer gesond -
Kyk die volgende clip: (click op die rooi)
Wat staan vir jou uit in die song se woorde?
Ek en jy is Jesus se hande en voete om ook so ander se kommer te verlig-
Daar is 'n storie van 'n spesifieke dorpie wat omsingel was deur Napoleon se leër. Die priester van die dorpie het
almal aangemodig om kerk toe te kom vir die paasfees diens. Terwyl hulle ingestap het, het hy die klokke van die kerk gelui.
Toe die soldate die klokke hoor lui het hulle begin vlug, want hulle het gedink die oposisie weerwag het die dorpie kom red.
Dit alles kom neer op prioriteite - kan jy met alle eerlikheid getuig dat Matteus 6:33 jou kern prioriteit is ten spyte van kommer en sorge?
Sluit af jou sessie met gebed - en lees die volgende seën saam:
Franciskaanse seën
Mag die Here jou seën met ongemak oor maklike antwoorde, halwe waarhede en oppervlakkige verhoudings sodat jy uit die diepte van jou hart kan leef;
Mag die Here jou seën met woede oor onreg, onderdrukking en die uitbuiting van mense sodat jy kan werk vir geregtigheid, vryheid en vrede;
Mag die Here jou seën met trane om te stort vir mense wat pyn, verwerping, honger en oorlog ervaar sodat jy ‘n hand kan uitreik en hulle pyn in blydskap kan verander.
En mag God jou seën met genoeg dwaasheid om te glo dat jy ‘n verskil kan maak in hierdie wêreld, sodat jy dinge sal kan doen wat ander mense dink nie gedoen kan word nie.
Amen
Lees die volgende teks:
Bespreek die drie dele - skatte, die effek van jou oog en die werklikheid van twee base
Kyk na die "bumper sticker" hoekom dink jy is dit soveel mense se argument as hulle begin praat oor aardse skatte?
Wat is die kern verskil tussen aardse en hemelse skatte?
Hemelse skatte se kern lê in die belegging van verhoudings.
In watter verhoudings moet jy gaan belê? (dink aan die grootste gebod in Matteus 22:34-40)
Hoe lyk dit prakties?
Kyk die volgende clip:
Watter aksies se gevolge behels hemelse beleggings?
Hoekom is dit moeilik?
In watter verhoudings moet jy meer tyd belê?
Wanneer jy hierdie aanhaling lees oor besittings - wat staan vir jou uit?
Hoekom gebeur dit so maklik dat jou besittings jou in besit neem?
Hoe werk mens dit tee?
Ons het laas week gekyk na die "Onse Vader" gebed, deel daarvan is om God se wil te vra.
Hoe lyk jou gebed?
Vra jy na God se wil of vra jy na jou eie wil en seën interme van jou aardse beleggings?
Hierdie alles begin by jou oog-
Lees weer Matteus 6:22-23
Jou oog is direk gekoppel met jou hart - waaraan spandeer jy die meeste aandag om na te kyk?
Wat kan jy doen om verhoudings om jou te sien waarin jy moet belê?
Hierdie is een van die kern vra wat baie gelowiges verkeerd verstaan, ons word nie gered op grond van ons dade nie,
maar op grond van Jesus se verlossing en God se genade.
Dis wel belangrik om vir mekaar te sê dat 'n geloof wat nie oorgaan in dade is dood.
(Jakobus 2:17 en 2:26)
Hoe lyk jou dade? Getuig dit van aardse beleggings of hemelse beleggings?
Hierdie drie teks gedeeltes behels verskeie individue wat eerder aardse beleggings geprys het as hemelse beleggings.
Wat dit egter versleg is dat hulle dit probeer wegsteek van God - maar God weet alles...
Wat is daar waaroor jy eerlik met jouself en God moet wees in terme van jou aardse beleggings?
Daar is 'n storie van 'n boer wat 'n koei gehad het wat 'n tweeling kalfies gekry het. Die boer was so bly oor die tweeling kalfies dat hy vir sy vrou gesê het dat hy die een vir die Here sal gee. Sy vrou was baie beindruk met hom, maar drie weke later kom hy die aand by die huis en deel die nuus met sy vrou dat die Here se kalfie oorlede is.
Soms maak ons elkeen so...
Wat staan vir jou uit in hierdie staaltjie?
God weet alles, mag jy ook opnuut besef alles wat jy het is God sin.
Ek en jy is slegs rentmeesters daarvan -
God seën jou om tot seën te wees (Genesis 12:2)
Bid saam
When I was five years old, I prayed that the Lord would give me a bicycle. He didn’t.
When I was six years old, I prayed again that the Lord would give me a bicycle. He didn’t.
So when I was seven years old, I stole a bicycle and asked the Lord’s forgiveness!
Hierdie is ‘n eenvoudige staaltjie wat nietemin ons eie persepsies rondom gebed blootstel. Aan die hand van hierdie eenvoudige storie kan ons solank die volgende stelling op die tafel sit:
"Show me your prayer and I’ll show you your God."
Wat staan vir jou uit as jy hierdie aanhaling hoor en lees?
As jy hierdie stelling lees, watter gedagtes rondom die verhouding tussen die vorm van gebed en ons persepsie van God kom by jou op?
Kan jy aan enige voorbeelde dink in jou eie lewe of omstandighede waarin hierdie stelling waar is?
Lees die volgende stuk teks:
Op watter maniere spreek Jesus se lering in hierdie verse juis ons persepsies oor God aan?
Jesus leef en werk in die tyd van die Pax Romana – die Romeinse Vrede. Dit is die term wat die Romeinse owerstes gebruik het om hul ryk te beskryf. Die Keiser het homself tot ‘n god verklaar en vereis dat almal onder sy bewind hom aanbid.
Lees Matt 6:9-13
Tot ‘n mate is die Onse Vader ‘n ontkenning van die Romeinse ryk. Jesus is besig om teen Rome te bid wanneer hy wegtrek met verse 9 & 10.
Op watter maniere is Jesus besig om die Romeinse ryk te kontrasteer met die ryk en wil van sy Vader in die eerste vier bedes?
Om die Onse Vader te bid was vir die vroeë kerk geen grap nie. Met hul Sondag-byeenkomste moes alle lidmate wat nog nie gedoop is nie die vertrek verlaat wanneer die Onse Vader gebid is. Want om hierdie gebed te bid is om sonder twyfel of misverstand te erken dat jy glo in die Here Jesus Christus – en nie in die keiser nie. Om die Onse Vader te bid was ‘n kwessie van lewe en dood.
Die Onse Vader het ‘n onmiskenbare politieke element.
As jy die hierdie gebed bid is daar geen twyfel nie – jy is ‘n volgeling van Jesus. Daarom bid jy teen die korporasies wat werknemers uitbuit. Daarom bid jy teen die predikers met mooi glimlagte wat reken hulle weet wie en wat en hoe God nou eintlik is. Jy bid teen allerhande booshede in die wêreld – oorlog, onderdrukking, ekologiese vernietiging, die skeiding tussen ryk en arm, die spanning tussen wit en swart, tienerselfmoord, die normaliering van verkragting.
Maar die gebed is ook baie persoonlik.
Martin Luther en CS Lewis argumenteer soos talle kerkleiers voor hulle (dink bv aan Augustinus) dat deel van die soeke na die sin van mens se bestaan die soeke na geluk is. Maar in teenstelling met die soeke na geluk maak Lewis ook die volgende stelling:
“I didn’t go to religion to make me happy. I always knew a bottle of Port would do that. If you want a religion to make you feel really comfortable, I certainly don’t recommend Christianity.”
Op watter maniere help die aanhaling jou om die spanning tussen jou eie geluk en ware navolging van Christus te verstaan?
Dissipelskap stel nie belang in jou geluk nie. Dit stel belang in jou groei as dissipel.
In dieselfde asem kan ons sê dat die koninkryk van God - waarvoor ons bid in die Onse Vader – ook nie belang stel in jou geluk nie, maar in die werklike koms van die koninkryk op die aarde soos in die hemel!
Kyk weer na die prent van Martin Luther.
Om die Onse Vader te bid is om nie net te bid teen die Romeinse ryk nie, maar teen jouself.
Laat U wil geskied - nie ‘laat U wil meer soos my wil word’ nie;
Laat U koninkryk kom – nie ‘laat U koninkryk as hoe meer soos my koninkryk lyk’ nie;
Gee ons vandag ons dag se brood – nie ‘gee ons oorgenoeg om vir ewig van te lewe’ nie.
Hoe dink jy nou anders oor die rol van gebed en die bid van die Onse Vader aan die hand van hierdie aanhaling?
“Mag jy die Onse Vader in jou binnekamer bid, maar in die wêreld beoefen. En al hoe meer leer op watter maniere hierdie gebed die wêreld en die persoon wat bid verander.”
Die Onse Vader is ‘n komplekse eenheid:
Wanneer ons bid ‘laat U naam geheilig word’ moet ons ook opreg dankbaar wees en dankbaarheid bewys vir ons dag se brood;
Wanneer ons bid ‘laat U koninkryk kom’ moet ons weet dat dit slegs kan gebeur wanneer ons ander hul skulde vergewe soos die Here ons vergewe;
Wanneer ons bid ‘laat U wil geskied’ weet ons dat dit alleen kan gebeur wanneer ons as kinders van die hemelse Vader versoeking weerstaan en verlos is van die Bose.
Sluit af met die Onse Vader...